Сопственикот на Манчестер Јунајтед, Сер Џим Ретклиф, се сретнал лично со Томас Тухел претходно оваа недела во Монако, тврди „Билд“. Германецот со недели се поврзува како еден од фаворитите да го замени Ерик тен Хаг, доколку „Инеос“ реши да се раздели со Холанѓанецот.
На средбата Тухел ги претставил своите планови и визија за развој на тимот доколку биде назначен за нов менаџер на Манчестер Јунајтед.
Тој, исто така, посочи какви мерки има намера да преземе за да се врати на вистинскиот пат и да ја подигне формата на играчите како Џејдон Санчо и Мејсон Маунт, кои дефинитивно не играа најдобро после трансферите на „Олд Трафорд“.
Како пример Тухел го искористи Антонио Рудигер, кој значително го подигна нивото на своите перформанси за време на раководењето со Германецот во Челси. Се очекува Манчестер Јунајтед следната недела официјално да го добие извештајот за клупската сезона и настапите од Ерик тен Хаг, пред да донесе одлука за неговата иднина.
