Един Џеко летово би можел да го напушти Интер иако мина само една сезона на „Џузепе Меаца“. „Нероаѕурите“ сакаат да донесат неколку засилувања во нападот, а пред се тоа се однесува на Пауло Дибала и Ромелу Лукаку.
Доколку Дибала и Лукаку дојдат во Интер, јасно е дека Симоне Инзаги ќе мора да прецрта еден од напаѓачите. Наводно, изборот би можел да падне на Џеко, а претходно беа отпишани и Алексис Санчез и Фелипе Каиседо.
Сепак, медиумите на Апенините тврдат дека во тој случај на Џеко нема да му биде проблем да си најде нов клуб. Јувентус будно ја следи ситуацијата и ќе се обиде да го доведе бидејќи во него гледа одлична опција да игра во тандем со Душан Влаховиќ.
Но, и медиумите во Шпанија отидоа чекор понатаму. „Марка“ го споменува Џеко како потенцијално засилување на Реал Мадрид. Тврди дека не би било изненадување Џеко да дојде во Реал Мадрид иако е на залезот на кариерата. Карло Анчелоти сака достојна замена за Карим Бензема и соодветно засилување во нападот откако не успеа да го доведе Килијан Мбапе.
