Дербито од Третата лига – Запад меѓу Тетекс и Влазрими заврши неславно. Натпреварот беше прекинат во 75-тата минута по инцидент на теренот, кога фудбалери на гостинскиот тим физички го нападнаа главниот судија Марјан Младеновски.
До прекинот резултатот беше 0-0, а тензиите кулминираа откако Младеновски досуди пенал за Тетекс. Ситуацијата настана по еден контакт во шеснаесетникот на Влазрими, што според судијата беше доволен за најстрога казна.
Наместо изведување пенал, натпреварот доби несакан тек, а судијата веднаш го прекина натпреварот.
Се очекува Фудбалската федерација на Македонија да реагира и да преземе соодветни мерки за инцидентот.
