Ливерпул не успеа да го добие дербито на „Енфилд Роуд“ против Манчестер Јунајтед. Големата пресметка заврши без голови, па „црвените ѓаволи“ ја задржаа предноста на врвот на табелата, два бода во однос на Лестер и три во однос на Ливерпул.
Тактичкото надмудрување на Јирген Клоп и на Оле Гунар Солскјер го одбележа мечот, Манчестер Јунајтед успеа да наметне свое темпо, една мирна и мудра игра со цврстина во одбраната. Немаше премногу шанси, Тијаго Алкантара се закани со удар од далечина, но Де Хеа беше одличен, а на спротивната страна многу поизгледни беа можности за Бруно Фернандеш и за Пол Погба во финишот. Но, Алисон Бекер се испречи како последна пречка за Манчестер Јунајтед да ја затресе мрежата на актуелниот шампион.
