Холандскиот репрезентативец и фудбалер на Ајакс, Дејли Блинд, го раскина договорот со клубот од Амстердам.
Тој имаше договор со Ајакс до крајот на сезоната, а сега дојде до спогодбена разделба.
„Во последните неколку дена постигнавме спогодбен раскин на договорот со Блинд. Се надевам дека ќе најде друг клуб каде ќе ја заврши успешната кариера. Заедно со него ќе избереме натпревар кој ќе се игра на ’Амстердам Арена’ каде Блинд ќе се прости од навивачите“, изјави спортскиот директор на Ајакс Едвин ван дер Сар.
За Ајакс играше од 2014 до 2018 година, а потоа четири сезони играше за Манчестер Јунајтед. Со холандскиот тим освои 11 трофеи.
