Македонскиот репрезентативен напаѓач Давид Тошевски (24) е нов член на белгискиот прволигаш Дендер.
Со новиот предизвик во белгиската Про лига, Тошевски ќе има можност повторно да се докаже на повисоко ниво.
Тошевски својата кариера ја започна во Работнички, каде многу млад се наметна како талентиран голгетер. Во 2020 година замина во Ростов, но неговата кариера таму не се разви во посакуваната насока. Сепак, со настапите за Австрија Клагенфурт успеа да се издигне и да ја врати формата, што резултираше и со повик во македонската репрезентација од селекторот Благоја Милевски.
