На Давид Луиз му е извршена мала операција на десното колено, потврдија од Арсенал. Хируршкиот зафат бил извршен утрово со цел да се реши неговиот постојан проблем со десното колено.
Бразилецот веднаш е пуштен на домашно лекување, а од клубот потврдија дека Давид Луиз треба да се врати и да биде достапен за натпреварите во следните неколку недели.
Ова значи дека поранешниот дефанзивец на Челси и ПСЖ треба да може да настапи во последните натпревари на „топчиите” во Премиер – лигата, а ќе биде достапен и за полуфиналните дуели во Лигата на Европа, доколку неговиот тим ја совлада Славија Прага во четвртфиналето.
