Веста на денот доаѓа од Англија. Манчестер Јунајтед би можел да го врати Давид де Хеа по само три месеци.
Главна причина за ова е заминувањето на Андре Онана на Африканскиот куп на нации во јануари.
Де Хеа не доби нов договор, Јунајтед не ја искористи опцијата за продолжување на соработката и тој стана слободен играч, но досега не го пронајде вистинскиот клуб.
Се споменуваше како опција за Баерн Минхен, но тоа не се оствари.
Интересно е што Де Хеа минатата недела беше во Манчестер и на социјалните мрежи се појавија фотографии како седи во друптво на поранешните соиграчи.
Одбраните на Онана во досегашниот тек од сезоната беа променливи, но тој беше херој во вторникот бидејќи одбрани пенал во последната секунда за важна победа над Копенхаген во Лигата на шампионите.
Де Хеа е легенда на клубот во кој помина цела деценија, а останува да се види дали навистина ќе се случи шокантно враќање, привремено до крајот на сезоната.
