Дарко Велковски промовиран како ново засилување на Динамо Букурешт (ВИДЕО)

Македонскиот репрезентативец Дарко Велковски по неколкумесечна пауза се враќа во клупски ритам. Тој потпиша договор со романскиот прволигаш Динамо Букурешт.

Дефанзивецот денеска официјално беше промовиран во новиот клуб, а потоа одржа и тренинг со своите нови соиграчи.

Велковски дојде во Динамо Букурешт како слободен играч откако претходно го раскина договорот со Ал Етифак на штета на клубот.