Дарко Чурлинов и официјално е нов член на Кочаелиспор

Најавите добија официјална потврда – Дарко Чурлинов и е нов фудбалер на турскиот прволигаш Кочаелиспор. Македонскиот репрезентативец ја заврши авантурата со Барнли и се пресели во Турција, додавајќи ново искуство по настапите за Шалке 04 и Јагиелонија.

Чурлинов пристигна во Барнли во 2022 година и одигра 13 натпревари во шампионската сезона во Чемпионшип, кога под водство на Винсент Компани клубот се врати во Премиер-лигата.

Неговиот нов клуб, Кочаелиспор, по првите четири кола од Суперлигата на Турција нема победа, но со ангажманот на Чурлинов најавува подобри резултати по репрезентативната пауза.