Најтрофејниот македонски клуб Вардар доведе големо засилување во своите редови. Давид Бабунски и официјално стана нов фудбалер на „црвено-црните“.
Искусниот 31-годишен интернационалец првпат во кариерата ќе заигра во македонското првенство. Од него се очекува да внесе креативност, сигурност и нова енергија во средниот ред на тимот.
Бабунски пристигнува во момент кога Вардар има високи амбиции за освојување на двојната круна и враќање на врвот на македонскиот фудбал.
Во својата богата кариера, Бабунски ги бранел боите на Данди Јунајтед, Мезековец, Дебрецен, Костанца, Ботошани, Омија Ардија, Јокохама Маринос, Црвена Звезда и Барселона.
