Македонскиот репрезентативец Дарко Чурлинов се сели во првенството на Турција. Тој потпиша двегодишен договор со турскиот прволигаш Кочаелиспор. По одисејата во Полска, каде играше како позајмен играч во Јагиелонија и остави одличен впечаток, сега Чурлинов ќе има нов предизвик во Турција.
Во текот на денешниот ден Чурлинов треба да ја има и официјалната промоција во дресот на Кочаелиспор. Овој трансфер всушност е перманентен, со оглед дека Македонецот беше под договор со англискиот клуб Барнли.
Новиот тим на Дарко Чурлинов, Кочаелиспор, по четири кола во првенството на Турција има еден освоен бод и мисијата оваа сезона ќе биде да го задржи елитниот статус.
