Егзон Белица ја засили одбраната на Шкендија

Искусниот дефанзивец Егзон Белица ја засили Шкендија. Тој одлучи да ја прифати понудата на тетовскиот клуб и повторно ќе го облече црвено-црниот дрес. Стружанецот, кој зад себе има богата кариера, потпиша едногодишен договор со можност за продолжување.

Ова е негово враќање во Тетово по цели 12 години – во 2013 првпат беше дел од проектот на Шкендија под водство на „Еколог“. Потоа неговата кариера го однесе низ Финска (Интер Турку), Летонија (Рига), Албанија (Партизани Тирана – шампион) и Косово (Куп со Приштина).

Последните две сезони Егзон Белица беше капитен на Работнички.

Со искуството и авторитетот што го носи, Белица треба значајно да ја засили дефанзивната линија на македонскиот првак.

„Добредојде назад, Егзон! Време е повторно да блескаш во црвено-црно,“ порачаа од клубот.