Македонскиот интернационалец Даниел Аврамовски блеска во дресот на Кајзериспор. Откако го надмина периодот со повредите, Аврамовски се наметна жестоко во составот на Кајзериспор и е еден од најдобрите фудбалери не само во тимот, туку и во првенството на Турција.
Потврда за тоа е и изборот во најдобриот тим за последното коло во турскиот шампионат. Кајзериспор победи на гости против Кашимпаша со 0-1, а Аврамовски беше избран за играч на натпреварот. Сега доби и уште поголемо признание со вбројувањето во тимот на колото во Турција.
