Дефанзивецот на Интер, Дензел Дамфрис, зборуваше за можно продолжување на договорот со тимот.
„Сѐ уште не сме разговарале за тоа бидејќи сите размислувања беа за „скудетото“. Ме очекува ЕВРО 2024, никогаш не знаете како ќе се развиваат работите, но очекувам успешна завршница на преговорите. Со нетрпение очекувам да го обновиме овој процес во блиска иднина“, изјави Дамфрис за „Зиго Спорт“.
Холандскиот фудбалер игра за Интер од 2021 година. Актуелниот договор му истекува на крајот на јуни 2025 година.
Интер оваа сезона по 20. пат стана шампион на Италија.
