Потпретседателот на Гремио, Маркос Херман откри дека клубот се наоѓа на чекор до потпис со Даглас Коста. Бразилскиот крилен напаѓач беше позајмен во Баерн Минхен за тековната сезона, но досега настапи само 11 пати во германската Бундес – лига.
“Бевме поканети да одиме во куќата на Даглас да разговараме за можен трансфер”, рече Херман. “Неговите барања се поголеми од она што го заработува во Европа. Малку ја подобривме нашата понуда и сме многу поблиску до договор, а тој сега ќе се обиде да се ослободи од Јувентус.
„Ако Јувентус дозволи, сигурен сум дека ќе постигнеме договор. Сето тоа благодарение на напорот што го вложи Даглас и она што го прави Гремио. Но, ве уверувам дека понудата спаѓа во нашите економски можности.”
