Борец ги посакува првите бодови во новата сезона, а Тиквеш има уште поголеми мотиви по ремито со актуелниот првак Шкендија. Овој навидум обичен прволигашки меч меѓу две екипи на кои опстанокот им е приоритет, во преден план ја има семејната пресметка на Христови.
Борче Христов е тренер на Борец, а најголемата опасност кон неговиот тим доаѓа од неговиот син Симеон Христов кој е напаѓач во составот на Тиквеш.
„Правете што ќе правите, ама чувајте го син ми“, веројатно е реченицата што тренерот веќе им ја соопштил на фудбалерите на Борец.
Велешкиот тим во првото коло доживеа минимален пораз (1-0) од Работнички на арената „Тодор Проески“ во Скопје.
Во фокусот е и тетовското дерби меѓу Шкендија и Ренова. Актуелниот првак нема постигнато гол цели 450 минути вклучувајќи ги и европските мечеви, а новиот тренер Бруно Акраповиќ се обидува да го санира проблемот.
Шкупи на стадионот „Борис Трајковски“ ја пречекува Македонија ЃП, а Струга Трим Лум е домаќин на Пелистер. На „Автокоманда“, тимот на Скопје ќе ја нагости Брегалница, а во вечерен термин во Струмица ќе играат Академија Пандев и Работнички.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski