Челси потклекнува во трката за врвот на табелата во Премиер – лигата откако ремизираше 1-1 против Евертон на домашен терен. Томас Тухел остана без напаѓачи за овој меч, ги немаше на располагање Лукаку, Вернер и Хаверц поради проблеми со коронавирусот, а тоа Евертон знаеше да го искористи.
Челси дојде до водство со голот на Мејсон Маунт во 70.минута, но само четири минути подоцна младиот Џарад Брантвејт успеа да израмни. Домаќинот немаше сили за втор гол до крајот.
