Англискиот премиерлигаш Челси во летниот преоден рок ќе се обиде да го доведе дефанзивецот на Реал Мадрид, Едер Милитао. Лондонскиот клуб е во потрага по нови играчи во одбраната бидејќи во јули ќе се раздели со Антонио Рудигер, Андреас Кристенсен и со Цезар Аспиликуета кои влегоа во последните шест месеци од договорот.
Томас Тухел, менаџерот на Челси, побарал од раководството на лондонскиот клуб да го донесе бразилски стопер.
Милитао пристигна во Реал Мадрид во 2019 година од Порто за 50 милиони евра. Прво беше резерва, но потоа се проби во првиот тим и стана еден од клучните играчи во тимот на „кралевите“. Оваа сезона Милитао е играчот со најголема минутажа во Реал Мадрид, а неговата вредност е околу 60 милиони евра.
