Челси на експресен начин ќе го именува Грем Потер, сегашниот стратег на Брајтон, за нов менаџер на „Стемфорд бриџ“, откако вчера ја раскина сортаботката со Томас Тухел. Новиот сопственик Тод Боели не сака да чека и според медиумите на Островот веќе ги договорил сите детали со Потер чија промоција се очекува во текот на денот.
Челси на Брајтон ќе му плати и отштета од околу 18 милиони евра, а Грем Потер е очекува да дебитира веќе викендот, на дуелот на гости против Фулам.
Изборот на Челси е малку зачудувачки, со оглед дека Грем Потер нема некое големо искуство, никогаш не бил на кормило на врвен тим, а нема искуство ниту во Лигата на шампионите.
