Челси стави крај на мини-кризата предизвикана од два последовни порази и на убедлив начин го победи Саутемптон на „Стемфорд бриџ“ со 4-0. Составот на Енцо Мареска беше надмоќен, а го реши победникот во првиот дел кога постигна три гола.
Нкунку го отвори резултатот, Педро Нето зголеми на 2-0, а третиот гол во првото полувреме беше дело на Колвил.
Во вториот дел во листата на стрелците се запиша и Mарк Кукуреља.
Претходно, Кристал Палас ја шокира Астон Вила со 4-1, Брајтон беше подобар од Борнмут (2-1), а Фулам на гости го совлада Вулверхемптон (1-2).
