Од година во година во медиумите се зборува за потенцијалното формирање на регионална фудбалска лига на територијата на поранешна Југославија, по теркот на познатата кошаркарска АБА лига.
Но, колку и да сакаат голем број љубители на фудбалот на овие простори да се случи ова, на крајот секогаш доаѓаат до заклучок дека „сеуште не е време“ за тоа, пред се поради многу поголемите безбедносни ризици што ги фудбалската лига би донела во однос на другите спортови.
По неколкумесечен молк на оваа тема, својот став по ова прашање го искажа и претседателот на УЕФА Александар Чеферин при неговиот последен престој во Белград.
Заклучокот, за жал, е сличен.
„Не ја исклучувам можноста за формирање регионална лига. Меѓутоа, во моментов е многу ризично да се организира таква лига во нашиот регион или поранешна држава“, изјави Чеферин.
