Поранешниот македонски селектор Чедомир Јаневски е нов тренер на кипарскиот прволигаш Олимпијакос Никозија. Тој ќе го преземе кормилото од Леонидас Воколос кој замина од клубот поради слабите резултати во изминатиот период.
Како што информираат од Олимпијакос Никозија, Чедомир Јаневски по пристигнувањето на Кипар е во задолжителен карантин и поради тоа нема да го води тимот на следните два натпревари, против Омонија и против Неа Саламина.
Јаневски во сезоната 2019/20 го предводеше тимот на Енозис, а во минатото на Кипар има работено и во Етникос Ахна.
