Чави Хернадез се врати во Барселона, го презеде кормилото и веднаш реши да промени неколку работи по пристигнувањето во клубот. Тој веќе подели и неколку откази, реши целосно да го смени лекарскиот тим бидејќи Барселона неколку сезони се бори со повреди, а го смени и кондицискиот тренер.
Шпанските медиуми откриваат дека Чави одлучил да воведе некои нови правила кои фудбалерите ќе мора да ги почитуваат бидејќи смета дека некои од нив се премногу опуштени и тоа мора да се промени.
„Мундо Депортиво“ објави дека Чави вовел пет правила за играчите на Барселона и тие сигурно нема да бидат премногу воодушевени поради тоа.
Првото правило важи за Жерар Пике, кому му е забрането да патува во текот на сезоната поради приватни обврски, особено кога е надвор од теренот поради повреда. Тренинзите ќе бидат подолги и играчите ќе поминуваат повеќе време во тренинг центарот.
Исто така, им се забранува и приватни тренинзи. Четвртото правило е дека нема дискусија и кавга за начинот на кој се игра натпреварот, а последното се однесува на социјалните мрежи каде играчите сега ќе мора многу да внимаваат што пишуваат и објавуваат.
Чави сака веднаш да покаже дека нема да биде премногу попустлив кон фудбалерите со кои играше во Барселона со години, бидејќи неговата цел е да покаже авторитет и да се однесува подеднакво со секој играч.
