Тренерот на Барселона, Чави Хернандез, го прокоментира ремито (1-1) против Валенсија, што е уште еден погрешен чекор на Каталонците во Ла Лига. Според него, каталонскиот тим требало да победи и има разочарување по новите загубени бодови.
„Заслуживме да победиме. Игравме многу добро и направивме сѐ што беше потребно за да победиме. Создадовме доволно шанси за победа. Требаше да бидеме многу посилни на противничката половина, но на крајот загубивме два бода. Ако има една работа на која треба да се фокусираме, тоа е ефикасноста. Не можеме да простиме такви пропусти. Мора да бараме повеќе од себе. Разочаран сум бидејќи мислам дека овој натпревар требаше да се добие. Сакам да бидам позитивен дека ќе бидеме подобри“, изјави Чави.
Барселона се наоѓа на третата позиција со 35 бода, четири помалку од Реал Мадрид и шест помалку од Џирона.
