Ивана Пројковска, најистакнатата македонска фудбалска судијка, доби значајно признание од КОНМЕБОЛ – таа ќе ја води полуфиналната средба на Копа Америка помеѓу Аргентина и Колумбија, која се игра денес во 19 часот во Квинто.
Пројковска ќе биде главен арбитар, а нејзини асистентки ќе бидат Џулиа Темпестили и Ирагарце Фернандез Есесумага.
Ова назначување е резултат на соработката меѓу УЕФА и КОНМЕБОЛ, која овозможува размена на судии. Благодарение на истата програма, на неодамна завршеното Европско првенство, полуфинален натпревар судеше Бразилката Едина Алвес Батиста.
