Чави Хернандез по натпреварот на Ал Сад против Ал Духаил (3-3) изјави дека сака да се врати дома и да стане тренер на Барселона.
„Навистина сакам да се вратам дома. Двата клуба се во преговори и мора да го средат тоа. Многу сум возбуден, но не можам да коментирам премногу бидејќи се уште имам договор со Ал Сад. Се надевам дека преговорите меѓу клубовите ќе бидат успешни“, изјави Чави, легендата на Барселона.
Тој треба да го наследи Роналд Куман откако Холанѓанецот доби отказ поради лошиот почеток на сезоната. Во моментот, Серхи Бархуан е в.д.тренер на првиот тим, иако тој всушност го предводи Б-составот на Барселона.
