Барселона денеска ќе го пречека Елче во Ла Лига, а каталонците се надеваат на победа на овој натпревар за да се доближат до врвот на табелата.
Чави Хернандез во најавата за мечот упати критики за дел од своите играчи.
„Некои фудбалери имаат проблем да ја разберат позициската игра, но тоа не е изненадување за мене. Ќе ни биде потребен одреден период додека да заиграме како што јас посакувам“, изјави легендарниот Чави.
Аналитичарите веруваат дека доаѓањето на Чави ја подобри играта на каталонскиот тим, но дека тимот се уште има проблеми со кондицијата, како и со движењето без топка, на што инсистира легендата на каталонците.
„Ќе биде тешко да се засили тимот со оглед на моменталната економска ситуација во Барселона. Сепак, му кажав на претседателот што ми треба, и на краток и на долг рок“, одговори Чави на прашањето дали има решенија за засилувања во тимот.
