Тренерот на Барселона, Чави Хернандез, изрази мислење дека поразот од Реал Мадрид (1-2) е незаслужен. Каталонците поведоа со голот на Гундоган на самиот почеток од средбата, но по головите на Џуд Белингам „кралевите“ стигнаа до трите бода.
„Резултатот е незаслужен, но тоа се случува во фудбалот кога не ги користите вашите шанси. Доминиравме против Реал речиси еден час, но никогаш не успеавме да постигнеме втор гол. Кога промашувате, а противникот постигнува гол, тогаш доаѓа разликата. Мора да продолжиме да работиме“, прокоментира Чави.
„Не бевме доволно ефикасни пред голот. Реал страдаше во големи периоди од натпреварот, но кога не постигнуваш гол, ризикуваш да загубиш“, додаде тренерот на Барселона.
