Тренерот на Барселона, Чави Хернандез, зборуваше пред утрешното осминафинале во Копа дел Реј, во кое Каталонците се домаќини на третолигашот Унионистас де Саламанка. Логично, главниот дел од прес-конференцијата се одвиваше во знакот на многу лошото издание на тимот и убедливиот пораз од Реал Мадрид (1-4) за Суперкупот.
„Денот кога ќе забележам дека играчите не се со мене и не ме поддржуваат, ќе си ги земам работите и ќе си заминам. Време е да го промениме чипот. Пред некој ден со Реал Мадрид одигравме многу лошо и сакаме сега да ги направиме работите многу подобро. Јасно е дека сме фаворити со Унионистас, но тоа мора да го докажеме, тие имаат потенцијал и ќе биде тешко“, изјави Чави.
„Титулите отсекогаш ми биле цел и секогаш сум го велел тоа. Кога потпишав за Барселона, задачата беше да се најдеме во топ 4 и тоа го постигнавме. Минатата година целта беше освојување на лигата и Суперкупот, надминувајќи ги очекувањата. Оваа година целта е да се освојат важни трофеи – Купот, Лигата или Лигата на шампионите. Ако целите не се исполнат, јас ќе бидам првиот што ќе каже дека не ги исполнив и ќе дадам отказ. Ова е мојата реалност. Мислам дека сме многу поблиску до успех отколку до пораз. Иако го загубивме Суперкупот, мислам дека сме поблиску до успех отколку до пораз“, потенцираше тренерот на Барселона.
