Клубовите во Бундес – лигата од март ќе можат да пречекаат повеќе навивачи на своите стадиони. Се очекува дозволениот капацитет да биде зголемен на 25.000 гледачи.
Како што јави германската агенција „ДПА“, меѓу германскиот канцелар и регионалните влади веќе се подготвува проект со кој лимитот за навивачите ќе биде зголемен на 25 илјади или 60 отсто од капацитетот на стадионите.
Новите правила ќе бидат одобрени на состанокот закажан за утре.
Во моментов, границата за гледачи на стадионите за фудбалски натпревари во Бундеслигата е 10 илјади, а исклучоци има во различни провинции.
Во Баварија, на пример, клубови како Баерн Минхен можат да примат до 15.000 навивачи.
