Португалскиот интернационалец Бруно Фернандеш и официјалн потпиша нов договор со Манчестер Јунајтед. Тој се обврза на верност до 2026 година, а ќе добива значително поголема плата од досегашната на „Олф Трафорд“.
„Вистинска привилегија е да се носи дресот на овој клуб. Најмногу од се сакам навивачите да бидат среќни и да им подариме трофеи. Верувам дека најдоброто допрва доаѓа. Од моментот кога дојдов во Манчестер Јунајтед, имам посебен однос со клубот и нашите неверојатни навивачи. Пораснав гледајќи ги натпреварите на Манчестер Јунајтед и сонував еден ден да добијам шанса да играм овде. Сега сонот е реалност, а ние заедно сонуваме за освојување на титули“, изјави Бруно Фернандеш по потписот на новиот договор со Манчестер Јунајтед.
Бруно Фернандеш беше двоен стрелец за Португалија на финалниот бараж дуел против Македонија (2-0) и ја одведе својата репрезентација на Светското првенство во Катар.
