Италијанскиот калчолигаш Интер ќе потпише нов договор со хрватскиот репрезентативец Марсело Брозовиќ. Неговиот договор истекува на крајот од оваа сезона, а за потенцијално продолжување се пишува веќе некое време.
29-годишниот играч за врска би требало да заработува 6,5 милиони евра годишно. Интер треба да му исплати дополнителни бонуси за успесите со клубот, а договорот ќе биде потпишан до 2026 година.
Брозовиќ во Интер е од 2016 година и е еден од клучните играчи во тимот на Симоне Инзаги. Тој во овие месеци беше поврзуван со бројни клубови, пред се со Барселона, која планираше да го доведе, но фудбалерот сепак одлучи да остане во Милано.
