Интер го победи Шериф со 1-3 во Лигата на шампионите, а одличен натпревар одигра хрватскиот играч за врска Марсело Брозовиќ. Тој постигна гол во 54. минута со кој го доведе својот тим во водство, а потоа асистираше за преостанатите два гола во 66. и во 92. минута.
За хрватскиот играч за врска голот против Шериф беше прв оваа сезона во 15. настап.
„Сега ние сме кројачи на нашата судбина. Единственото нешто што беше важно беше да победиме. Игравме добро, напаѓавме и не дозволувавме контранапади. Секогаш даваме 100 проценти од себе за да победиме”, изјави Брозовиќ по натпреварот во кој беше прогласен за најдобар играч.
Интер сега навистина е клубот кој зависи само од себе. По оваа победа го држи второто место на табелата во групата Д со бод повеќе од третопласираниот Шериф и дури шест бода повеќе од Шахтјор. Првопласиран е Реал Мадрид со 9 бода, во пресрет на последните две кола.
