Фудбалерите на Брегалница, под водство на шефот на стручниот штаб Добринко Илиевски, денеска во Пехчево ги почнаа подготовките за новата сезона во Втората лига – Исток.
„Сините“, под идеални услови во спортскиот комплекс „Гогов“, ќе реализираат седумдневни подготовки како дел од првата подготвителна фаза. Нови имиња во редовите на штипјани се голманот Илче Петровски, офанзивецот од Плачковица, Андреј Кудијан, стоперот од Скопје, Антонио Митрев, како и досегашните фудбалери на Кит Го, Бојан Георгиевски и Александар Пановски.
„Имаме одлични услови за работа во почетната фаза од подготовките. Секако веруваме дека максимално подготвени ќе ја дочекаме новата сезона. Наредниот период ќе следи комплетирањето на тимот со засилувања на сите неопходни позиции“ – истакна на стартот од подготовките шефот на стручниот штаб Добринко Илиевски.
Брегалница во Пехчево останува до 18. јули кога ќе биде одигран и првиот пријателски натпревар летово против Кит Го. Веднаш по тест дуелот со пехчевци на 18. јули екипата се враќа во Штип.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski