Македонскиот прволигаш Брегалница ангажираше ново засилување од Хрватска. Се работи за 29-годишниот Диего Живулиќ, кој е фудбалер од средниот ред, а во редовите на Брегалница доаѓа од унгарскиот Диошѓер.
Живулиќ, кој потекнува од фудбалската школа на Ријека, е поранешен младински репрезентативец на Хрватска и зад себе веќе има богата играчка кариера. Покрај за Ријека има настапи и за Поморац во Хрватска, за Жлин и Викторија Плзен во Чешка, Пафос на Кипар и полскиот Сласк Вроцлав. Изминатата година настапуваше за унгарски Диошѓер од каде сега доаѓа во Брегалница.
„Со ангажманот на Илчо Ѓорѓиоски како нов шеф на стручниот штаб, и со доведувањето на квалитетно име во средниот ред како Живулиќ јасни се амбициите на Брегалница кои се активни од почетокот на сезоната за борба за едно од местата кои водат на европската сцена оваа сезона“, вели спортскиот директор на Брегалница, Никола Тонев.
Брегалница утре заминува во Анталија каде ќе бидат реализирани главните подготовки пред продолжението од шампионатот.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski