Македонскиот прволигаш Борец, заедно со Вардар, имаше најтурбулентна зима. Замина главниот спонзор „Брако“, компанија предводена од Кочо Анѓушев, па во вториот дел од сезоната клубот треба да го предводат ветераните, иако трансформацијата се уште не е официјално направена.
Но, има големи промени и во стручниот штаб и во играчкиот кадар. Борче Христов треба да го предводи Борец од клупата, а ангажиран е и поранешниот репрезентативец, искусниот Ванче Шиков. Тој доаѓа од Тиквеш и повторно се враќа во прволигашка конкуренција, каде во минатото го носеше дресот на Работнички и на Академија Пандев.
Шиков за македонската фудбалска репрезентација одигра 52 натпревари и постигна четири гола.
