Бојан Миовски се договори со Абердин

Македонскиот репрезентативец Бојан Миовски е пред трансфер во шкотскиот прволигаш Абердин. Тој ги договорил личните услови со раководството на клубот, а сега останува Абердин да ја договори и отштетата со МТК, унгарскиот клуб кој испадна од елитата. Потоа Миовски ќе потпише четиригодишен договор со Абердин.

Миовски, како и Стефан Спировски и Себастијан Херера, речиси сигурно ќе заминат од МТК, бидејќи унгарскиот клуб едноставно нема потреба да ги задржи во второлигашка конкуренција. Оттука, јасно е дека МТК и Абердин во наредните денови ќе се договорат и трансферот на Бојан Миовски во Шкотска ќе се реализира.