Бешикташ сака да го врати Садио Мане во Европа

Поранешната ѕвезда на Ливерпул, Садио Мане, може да се врати во Европа во јануари. За него интерес покажува Бешикташ.

Според „Фотомач“, турскиот гигант сакал да го доведе Мане уште сега, но преговорите меѓу двата клуба наишле на пречка.

32-годишниот Сенегалец игра за саудискиот Ал-Наср од 2023 година и е соиграч со Кристијано Роналдо. Во тековната сезона има постигнато пет гола и две асистенции.

Договорот на напаѓачот со Ал-Наср трае до 2026 година.