Актуелниот освојувач на „Златната топка“, Карим Бензема, ја одби поканата на францускиот претседател Емануел Макрон да биде дел од неговата делегација на денешното финале на Светското првенство. Напаѓачот беше вклучен во тимот на Дидие Дешамп, но се повреди непосредно пред почетокот на Светското првенство.
Селекторот на „петлите“ не повика нов играч на негово место, а опоравувањето на Бензема, кој веќе тренира со полна брзина со Реал Мадрид, ги подгреа шпекулациите дека Дешамп би можел да го вклучи во составот за финалето со Аргентина.
Сепак, тоа не се случи, а напаѓачот објави кратка порака со текст „Не сум заинтересиран“, која француските медиуми ја протолкуваа како доказ за неговиот конфликт со Дешамп.
Макрон ги покани сите повредени играчи на Франција во својата делегација. Пол Погба, Н’Голо Канте и Кристофер Нкунку сигурно ќе бидат на трибините покрај претседателот. Првите двајца веќе се во Катар, а напаѓачот на Лајпциг патува со авионот на Макрон. Нема да биде присутен Лукас Хернандез кој не доби дозвола од Баерн Минхен, а самиот Бензема реши да не биде на трибините на стадионот „Лусаил“.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski