Капитенот на Реал Мадрид, Карим Бензема, ја коментираше победата во финалето на Лигата на шампионите против Ливерпул. „Кралевите“ на „Сент Дени“ славеа со 1-0, со голот на Винисиус Жуниор.
„Многу сум горд на овој тим. Направивме заслужен дабл. Беше тежок натпревар, но сите натпревари во Лигата на шампионите се тешки, а особено финалето. Многу ми значи што освоив уште еден трофеј во Лигата на шампионите овде во мојата татковина“, изјави Бензема.
Французинот оваа сезона стана најдобар стрелец во Лигата на шампионите, постигнувајќи 15 голови.
