Напаѓачот на Реал Мадрид, Карим Бензема, има проблеми со повреда во пресрет на натпреварот со Еспањол во Ла Лига. Ситуацијата во „кралскиот клуб“ во моментов не е идеална, иако се блиску до пласман во четвртфиналето од Лигата на шампионите. Се мачат во домашното првенство, Барселона се оддалечи на врвот и моментно има девет бода предност.
Во моментите кога се „решава“ сезоната, Карло Анчелоти има кадровски проблеми, и тоа сериозни, ако се има предвид разликата во нападот што ја носи Карим Бензема.
Французинот без кој нападот на Реал не е ист, ќе мора да ја пропушти саботната пресметка со Еспањол, пренесуваат шпанските медиуми.
