Селекторот на белгиската фудбалска репрезентација Роберто Мартинез денеска соопшти дека напаѓачот Ромелу Лукаку поради повреда нема да настапи на последните два квалификациски натпревари за СП 2022 година.
Поради повреда во тимот нема да биде и напаѓачот на Бешикташ, Мичи Батшуаи, па Мартинез вклучи уште тројца напаѓачи, Дивок Ориги (Ливерпул), Кристијан Бентеке (Кристал Палас) и Данте Ванзеира (Унион Берлин).
Белгија на 13 ноември ќе ја пречека селекцијата на Естонија, додека три дена подоцна ќе гостува кај репрезентацијата на Велс.
На табелата од групата Е води Белгија со 16 бодови од шест меча, второпласирана е Чешка со 11, колку што има и селекцијата на Велс на третото место.
