Барселона не успеа да ја прекине лошата низа од три меча без победа во Ла Лига откако на неверојатен начин пропушти триумф на гостувањето (3-3) против Селта во Виго. Тимот кој се уште го предводи Серхи Бархуан, додека да се средат формалностите со Чави, стартуваше фуриозно и постигна три гола за половина час. Ансу Фати го отвори резултатот, Бускетс зголеми на 0-2, а третиот гол беше дело на Мемфис Депај.
Но, во второто полувреме Селта чудесно се врати, постигна два гола преку Иако Аспас и Нолито и направи огромен притисок во финишот. Тоа резултираше со израмнување. Иаго Аспас во петтата минута од судиското продолжение постигна чудесен гол за конечни 3-3.
