Холандскиот интернационалец Матијс де Лихт е желба на каталонскиот гигант Барселона. Италијанскиот агент Мино Раиола наводно разговарал со старо-новиот претседател на Барселона, Жоан Лапорта околу дефанзивецот на Јувентус.
“Каталонците” беа поврзувани со Ерлинг Халанд во последните неколку недели, но тоа изгледа, не е единствениот клиент на Раиола кој е на радарот на Лапорта.
Во Шпанија се вели дека новиот претседател на Барса сака да му донесе двајца нови централни бекови на тренерот Роналд Куман. Тука на сцена влегува Де Лихт, но и Ерик Гарсија, за кого е веќе потврдено дека ќе го напушти Манчестер Сити ова лето.
