Холандскиот стратег Роналд Куман ќе добие отказ на клупата на Барселона по натпреварот со Атлетико Мадрид. Раководството на клубот веќе донесе одлука за разрешување на сегашниот тренер и во тек е потрага по човекот кој ќе го наследи.
Но, Барселона има очигледен проблем. Новиот тренер ќе мора да има многу мала плата во каталонскиот клуб.
Поради сите финансиски проблеми и долгови, Барселона може да му понуди на новиот стручен штаб само 3,88 милиони евра по сезона, откриваат шпанските медиуми. Ова е секако мал буџет за да се ангажира елитно тренерско име.
Андреа Пирло, Роберто Мартинез, Чави Хернандез, Антонио Конте, Ралф Рангник….се имињата кои се споменуваат како можни кандидати за наследник на Роналд Куман.
