Барселона денеска го имаше најтешкиот ден во последните неколку децении, од „Камп Ноу“ и дефинитивно се збогува Лионел Меси, но тимот покажа карактер и го победи Јувентус со 3-0 на трофеј „Хоан Гампер“.
Мемфис Депај во третата минута го доведе каталонскиот тим во водство, на 2-0 зголеми Мартин Брајтвајт во 57.минута, а третиот погодок беше дело на Рики Пуиг во судиското продолжение од мечот.
Во десеттата минута, публиката со овации го скандираше името на Лионел Меси, кој мораше да замине од клубот.
