Барселона е заинтересирана за напаѓачот на Манчестер Јунајтед, Единсон Кавани и сака да го доведе во јануарскиот преоден рок. Уругвајскиот интернационалец има договор со Јунајтед до крајот на сезоната, а потоа ќе биде слободен агент, па каталонскиот гигант ќе се обиде да го доведе за симболична отштета оваа зима.
Барселона е во потрага по напаѓач кој ќе може да го замени Серхио Агуеро, кој поради проблеми со срцето ќе мора да отсуствува подолго време. Каталонците се надеваат дека тоа би можел да биде Кавани.
Кавани беше на чекор од заминување од „Олд Трафорд“ и изминатово лето, но, сепак одлучи да остане. Сепак, со доаѓањето на Кристијано Роналдо неговата минутажа во тимот на Оле Гунар Солскјер значително се намали.
