Минатата сезона во Барселона имаше тројца недопирливи играчи. Лионел Меси секако беше прв во тој ранг, голманот Марк Андре тер Штеген беше втор, а третото место холандскиот играч од средниот ред Френки де Јонг.
Сега шпанските медиуми тврдат дека Барселона би можела да го продаде Де Јонг. Новиот тренер Чави ќе игра во формација 4-3-3, а се чини дека Де Јонг веќе нема сигурно место во првите единаесетмина покрај Серхио Бускетс, Педри и Гави.
„Барселона е воодушевена од неговиот професионализам уште од неговото доаѓање. Тој е еден од фудбалерите кои одлично ги подготвуваат натпреварите, а потоа ги анализираат за да учи од грешките. Сепак, тој сега би можел да стане играч на кој Барселона би можела да заработи милиони. Поради финансиската состојба летово, таа мораше да се откаже од неколку играчи, а каталонскиот клуб веројатно го чека и следното лето“, пишува каталонски „Спорт“.
Барселона на Де Јонг му плати повеќе од 80 милиони евра и има договор со холандскиот играч за врска до 2026 година.
„За Де Јонг има клубови кои се подготвени да платат многу. Тој исто така го знае тоа, а тие го знаат и во Барселона. Конкретно, има два клуба кои би платиле големи пари“, пишуваат Каталонците.
Де Јонг е во Барселона од јули 2019 година. Каталонците веруваат дека можат да добијат околу 100 милиони евра за него.
