Каталонскиот гигант Барселона ќе биде без услугите на шпанскиот репрезентативец Жорди Алба во наредните триесетина дена. Тој се повреди на натпреварот против Баерн Минхен во Лигата на шампионите.
Левиот бек заработи истегнување на мускулот и ќе паузира околу еден месец. Алба ќе ги пропушти натпреварите во Ла Лига против Осасуона, Елче и против Севилја. Нема да биде во комбинација и за настап на пријателскиот натпревар против Бока Јуниорс на 14. декември на „Диего Марадона“.
Тој сезонава одигра 16 натпревари и запиша пет асистенции, но се уште е без постигнат гол.
